મેરિલૅન્ડનાં એક ફેડરલ ન્યાયાધીશે અમેરિકાના રાષ્ટ્રપ્રમુખ ડૉનાલ્ડ ટ્રમ્પના જન્મસિદ્ધ નાગરિકતા નાબૂદ કરવા અંગેના કાર્યકારી આદેશ પર અનિશ્ચિત મુદત સુધી પ્રતિબંધ લગાવ્યો છે. શ્રી ટ્રમ્પના આ આદેશનો ઉદ્દેશ ગેરકાયદે પ્રવાસીઓ અને કામચલાઉ વિઝા ધરાવતા વિદેશી મુલાકાતીઓની જન્મસિદ્ધ નાગરિકતાને પૂર્ણ કરવાનો હતો.
મૅરિલૅન્ડની સંયુક્ત રાજ્ય જિલ્લા અદાલતનાં ન્યાયાધીશ ડેબોરા એલ બૉર્ડમૅને ગઈકાલે આ મામલે સુનાવણી હાથ ધરી હતી. ત્યારબાદ આ આદેશને રોકવા નાગરિક અધિકાર સમૂહો દ્વારા કરાયેલી અરજી પર કામચલાઉ પ્રતિબંધ લગાવતો આદેશ આપ્યો હતો. સમાચાર સંસ્થા સિન્હુઆના અહેવાલ મુજબ, આ આદેશ રાષ્ટ્રીય સ્તરે લાગુ થશે.