ભારતે ફ્રાન્સ સાથે 26 રાફેલ દરિયાઈ લડાકુ વિમાન ખરીદવા માટે સંરક્ષણ કરાર પર હસ્તાક્ષર કર્યા છે. નવી દિલ્હીમાં આજે સંરક્ષણ મંત્રી રાજનાથ સિંહ અને ફ્રેન્ચ સશસ્ત્ર દળના મંત્રી સેબેસ્ટિયન લેકોર્નુએ આ કરાર પર હસ્તાક્ષર કર્યા હતા.
26 રાફેલ દરિયાઈ વિમાનોમાંથી 22 સિંગલ સીટર અને ચાર ડબલ સીટર છે. આ ભારતીય નૌકાદળની જરૂરિયાતો અનુસાર ડિઝાઇન અને ઉત્પાદન કરવામાં આવશે. આ વિમાનો 2030 સુધીમાં ભારતને સોંપવામાં આવશે.
આ કરારમાં તાલીમ, સિમ્યુલેટર, સંબંધિત સાધનો, શસ્ત્રો અને પ્રદર્શન-આધારિત લોજિસ્ટિક્સનો સમાવેશ થાય છે. આમાં ભારતીય વાયુસેનાના હાલના રાફેલ કાફલા માટે વધારાના સાધનોનો પણ સમાવેશ થાય છે. આ સોદાથી સૂક્ષ્મ, નાના અને મધ્યમ ઉદ્યોગો માટે હજારો નોકરીઓ અને આવકનું સર્જન થવાની અપેક્ષા છે.
રાફેલ દરિયાઈ લડાકુ વિમાનોનો નૌકાદળમાં સમાવેશ થતાં, તેની તાકાત અનેકગણી વધી જશે. રાફેલ દરિયાઈ લડાકુ વિમાનો INS વિક્રમાદિત્ય અને INS વિક્રાંત જેવા વિમાન વાહક જહાજો પર તૈનાત કરવામાં આવશે. રાફેલ આધુનિક શસ્ત્ર પ્રણાલીઓ અને મિસાઇલોથી સજ્જ હશે.