ભારતીય રિઝર્વ બેંકની નાણાકીય નીતિ સમિતિ, એમપીસીની ત્રણ દિવસીય બેઠક આજથી મુંબઈમાં શરૂ થશે. આ બેઠક શુક્રવાર સુધી ચાલુ રહેશે. RBI ગવર્નર સંજય મલ્હોત્રા શુક્રવારે સવારે વ્યાજ દરો પર MPC ના નિર્ણયોની જાહેરાત કરશે. નવા નિયુક્ત RBI ગવર્નરની અધ્યક્ષતામાં આ પહેલી બેઠક હશે. હાલમાં, બેંકે ફેબ્રુઆરી 2023 થી રેપો રેટ 6.5 ટકા યથાવત રાખ્યો છે. વપરાશ-આધારિત માંગને વેગ આપવાના હેતુથી કેન્દ્રીય બજેટમાં તાજેતરમાં કરવામાં આવેલી અનેક પહેલોની જાહેરાતને પગલે, નિષ્ણાતો આગાહી કરે છે કે RBI મુખ્ય વ્યાજ દરમાં 25 બેસિસ પોઈન્ટનો ઘટાડો કરે તેવી શક્યતા છે.