બિહારના પટનામાં NDAના નવા ચૂંટાયેલા ધારાસભ્યો આજે તેમના નેતાને પસંદ કરશે.પાંચ NDA પક્ષો – ભાજપ, જનતા દળ (યુનાઇટેડ), લોક જનશક્તિ પાર્ટી (રામવિલાસ), હિન્દુસ્તાની અવમ મોરચા અને રાષ્ટ્રીય લોક મોરચાના તમામ 202 નવા ચૂંટાયેલા ધારાસભ્યો બેઠકમાં હાજરી આપશે અને ગઠબંધનના નેતાની પસંદગી કરશે.ભાજપ સંસદીય બોર્ડે ઉત્તર પ્રદેશના નાયબ મુખ્યમંત્રી કેશવ પ્રસાદ મૌર્યને ભાજપ વિધાનસભા પક્ષના નેતાની ચૂંટણી માટે નિરીક્ષક તરીકે નિયુક્ત કર્યા છે. આ ઉપરાંત, કેન્દ્રીય મંત્રી અર્જુન રામ મેઘવાલ અને ભૂતપૂર્વ કેન્દ્રીય મંત્રી સાધ્વી નિરંજન જ્યોતિને સહ-નિરીક્ષક તરીકે નિયુક્ત કરવામાં આવ્યા છે.