સરકારે કહ્યું છે કે રાષ્ટ્રવ્યાપી નાણાકીય સમાવેશન સંતૃપ્તિ અભિયાન હેઠળ બે સપ્તાહમાં એક લાખ 40 હજાર જન ધન ખાતા ખોલવામાં આવ્યા છે. નાણાં મંત્રાલયે કેટલીક મુખ્ય યોજનાઓની પહોંચ વધારવા માટે આ મહિનાની પહેલી તારીખથી ત્રણ મહિનાનું રાષ્ટ્રવ્યાપી સંતૃપ્તિ અભિયાન શરૂ કર્યું હતું.
આ યોજનાઓમાં પ્રધાનમંત્રી જન ધન યોજના, પ્રધાનમંત્રી જીવન જ્યોતિ વીમા યોજના, પ્રધાનમંત્રી સુરક્ષા વીમા યોજના અને અટલ પેન્શન યોજના સામેલ છે. આ અભિયાનનો હેતુ તમામ ગ્રામ પંચાયતો અને શહેરી સ્થાનિક સંસ્થાઓની મદદથી દરેક પાત્ર નાગરિકને આ પરિવર્તનકારી યોજનાઓનો લાભ પૂરો પાડવાનો છે.
આ અભિયાન 30 સપ્ટેમ્બર સુધી ચાલુ રહેશે, જેમાં આશરે બે લાખ 70 હજાર ગ્રામ પંચાયતો અને શહેરી સ્થાનિક સંસ્થાઓને આવરી લેવામાં આવશે.