રાજ્યમાં હાલમાં 4 વરસાદી સિસ્ટમ સક્રિય હોવાથી હવામાન વિભાગે આગામી 5 દિવસ હળવાથી મધ્યમ વરસાદની સાથે દક્ષિણ ગુજરાતમાં આગામી 2 દિવસ માટે અતિ ભારે વરસાદની આગાહી કરી છે. આ સાથે જ દક્ષિણ ગુજરાતના દરિયાકાંઠે આગામી 4 દિવસ સુધી 40 થી 50 કિલોમીટર પ્રતિ કલાકની ઝડપે પવન ફૂંકાશે. આજે દક્ષિણ ગુજરાતમાં અતિભારે વરસાદની આગાહી છે. ખાસ કરીને ડાંગ, નવસારી, વલસાડ, દમણ, અને દાદરા નગરહવેલીમા ભારે વરસાદ પડવાની શક્યતા છે.