દક્ષિણ ઈરાનમાં અબ્બાસ નજીક આવેલા શાહિદ રાજાઈ બંદર પર ગઈકાલે થયેલા વિનાશક વિસ્ફોટમાં મૃત્યુઆંક વધીને 14 થઈ ગયો છે, જ્યારે 750 લોકો ઘાયલ થયા છે. ગૃહમંત્રી એસ્કંદર મોમેનીએ આ માહિતી આપી. હોર્મોઝગન પ્રાંતના બંદર પર અજ્ઞાત કારણોસર ઇંધણ ટેન્કરમાં વિસ્ફોટ થયા બાદ આ ઘડાકો થયો હતો.
રાષ્ટ્રપતિ મસૂદ પેઝેશ્કિયાને સોશિયલ મીડિયા પર એક નિવેદનમાં પીડિતો પ્રત્યે દુ:ખ અને સહાનુભૂતિ વ્યક્ત કરી અને ઘટનાના કારણોની તપાસ કરવાનો આદેશ જારી કર્યો. તેમણે કહ્યું કે આ ઘટનાની સંપૂર્ણ તપાસ કરવા માટે ગૃહમંત્રીને તેમના ખાસ પ્રતિનિધિ તરીકે પ્રદેશમાં મોકલવામાં આવ્યાછે.
નેશનલ ઈરાની પેટ્રોલિયમ રિફાઇનિંગ એન્ડ ડિસ્ટ્રિબ્યુશન કંપનીએ જણાવ્યું હતુંકે વિસ્ફોટથી તેલ સુવિધાઓને કોઈ અસર થઈ નથી.