કેન્દ્ર સરકારે આજે કહ્યું છે કે વિશ્વના 26 દેશો વિઝા-મુક્ત પ્રવેશ આપે છે અને 40 દેશો ભારતીય પાસપોર્ટ ધારકોને વિઝા-ઓન-અરાઈવલ સુવિધા પૂરી પાડે છે.
રાજ્યસભામાં એક પ્રશ્નના લેખિત જવાબમાં, વિદેશ રાજ્યમંત્રી કીર્તિ વર્ધન સિંહે માહિતી આપી હતી કે ભારત નેપાળ, ભૂટાન અને માલદીવના નાગરિકોને વિઝા-મુક્ત પ્રવેશ આપે છે.
તેમણે ઉમેર્યું હતું કે માલદીવના નાગરિકોને પ્રવાસન, તબીબી અને વ્યવસાયિક હેતુઓ માટે ભારતની મુલાકાત લેવા ઇચ્છતા હોય તે નાગરિકોને પૂર્વ વિઝાની આવશ્યકતામાંથી મુક્તિ આપવામાં આવે છે.