চাৰি বছৰীয়া সংহত শিক্ষক শিক্ষা পাঠ্যক্ৰম আৰম্ভ কৰিবলৈ ৰাষ্ট্ৰীয় শিক্ষক শিক্ষা পৰিষদে অনুমোদন জনোৱা ২৫ খন মহাবিদ্যালয়ৰ অধ্যক্ষসকলৰ সৈতে কালি শিক্ষামন্ত্রী ডাঃ ৰণোজ পেগুৱে এখন ভার্চুৱেল বৈঠকৰ জৰিয়তে মত বিনিময় কৰে। ডাঃ পেগুৱে এই পাঠ্যক্ৰমৰ কাৰ্যসূচী ৰূপায়ণৰ ক্ষেত্ৰত সন্মুখীন হোৱা প্রত্যাহ্বান সন্দৰ্ভত অধ্যক্ষসকলৰ সৈতে আলোচনা কৰি কয়, যে ৰাজ্য চৰকাৰে তেওঁলোকক এইক্ষেত্ৰত সকলোধৰণৰ সমৰ্থন আগবঢ়াব। উল্লেখযোগ্য যে ৰাষ্ট্ৰীয় সাধাৰণ প্ৰৱেশ পৰীক্ষাৰ জৰিয়তে নিৰ্বাচিত দুহেজাৰ ১৫০ গৰাকী ছাত্ৰ-ছাত্ৰীয়ে ৰাষ্ট্ৰীয় শিক্ষানীতি-২০২০ৰ অধীনত এই পাঠ্যক্ৰমত শিক্ষা গ্ৰহণ কৰিব ৷