ৰাষ্ট্রপতি শ্রীমতী দ্রৌপদী মুর্মুৱে কালি ৰাষ্ট্রপতি ভৱনত গ্রন্থ কুটিৰ উদ্বোধন কৰে। এই কুটিৰত প্রায় ৫০টা পাণ্ডুলিপি আৰু ১১টা ভাৰতীয় ধ্রুপদী ভাষাৰ দুহেজাৰ ৩০০ খন গ্রন্থ সংগ্ৰহ কৰা হৈছে। এই কুটিৰত মহাকাব্য, দর্শন, ভাষা, বুৰঞ্জী, শাসন ব্যবস্থা, বিজ্ঞান, আধ্যাত্মিক সাহিত্যৰ লগতে ভাৰতীয় সংবিধান বিষয়ক বিভিন্ন গ্রন্থ ৰখা হৈছে। দেশৰ চহকী সাহিত্য আৰু সাংস্কৃতিক ঐতিহ্য সন্দৰ্ভত জনসাধাৰণৰ সজাগতা বৃদ্ধি কৰাৰ লগতে অনৈক্যৰ মাজত ঐক্যৰ ভাৱধাৰা শক্তিশালী কৰাটোৱে হৈছে এই গ্রন্থ কুটিৰৰ মূল উদ্দেশ্য। এই উপলক্ষে দিয়া ভাষণত ৰাষ্ট্ৰপতি শ্রীমতী মুর্মুৰে কয়, যে এই গ্ৰন্থ কুটিৰ হৈছে ভাৰতৰ ধ্রুপদী ভাষাসমূহৰ সংৰক্ষণ আৰু প্ৰসাৰৰ বাবে ৰাষ্ট্ৰপতি ভৱনৰ সম্মিলিত প্রচেষ্টাৰ এটা অংশ। ভাৰতীয় ধ্রুপদী ভাষাসমূহৰ বিষয়ে উল্লেখ কৰি ৰাষ্ট্ৰপতিগৰাকীয়ে কয়, যে এই ভাষাসমূহে আধুনিক ভাৰতীয় ভাষাৰ বিকাশত উল্লেখনীয় অবদান আগবঢ়াই আহিছে।