অসম আৰক্ষীয়ে ৰাজ্যৰ আইন-শৃংখলা পৰিস্থিতি অটুট ৰখা তথা জনসাধাৰণ নিৰাপত্তা সুনিশ্চিত কৰাৰ স্বাৰ্থত অৰ্ধসামৰিক বাহিনীৰ সহযোগত সমগ্ৰ ৰাজ্যতে বিশেষ পহৰাৰ ব্যৱস্থা গ্ৰহণ কৰিছে। কেতবোৰ বিক্ষিপ্ত ঘটনাৰ পৰিপ্ৰেক্ষিতত ৰাজ্যৰ শান্তি-শৃংখলা পৰিস্থিতি যাতে ব্যাহত নহয় তাৰ বাবে জিলা আয়ুক্ত, আৰক্ষী অধীক্ষকসকলে বিশেষ সতর্কতা অৱলম্বন কৰিছে। বৰপেটা জিলাতো প্ৰতিটো ৰাজহ চক্ৰৰ অধীনৰ অঞ্চলত আৰক্ষীয়ে টহলৰ ব্যৱস্থা কৰিছে। নিশাৰ ভাগতো জিলাখনৰ একাংশ অঞ্চলত আৰক্ষীৰ লগতে অর্ধসামৰিক বাহিনীৰ জোৱানৰ এই তৎপৰতা অব্যাহত থাকে। যোৰহাট জিলাৰ বিভিন্ন প্ৰান্তত আৰক্ষী প্ৰশাসনে ব্যাপক পহৰাৰ ব্যৱস্থা কৰিছে। জিলাখনৰ বিভিন্ন প্ৰান্তত জনসাধাৰণৰ নিৰাপত্তা সুনিশ্চিত কৰাৰ বাবে জিলা আয়ুক্ত, দণ্ডাধীশ, চক্র বিষয়ায়ো আৰক্ষীৰ এই পহৰাত সহযোগিতা আগবঢ়াইছে। গোলাঘাট জিলাৰ বিভিন্ন স্থানত আৰক্ষীয়ে নিৰাপত্তা ব্যৱস্থা কটকটীয়া কৰি তুলিছে। জিলাখনৰ ব্যস্ততাপূর্ণ বিভিন্ন স্থানত আৰক্ষীয়ে সতর্কতামূলক ব্যৱস্থা গ্ৰহণ কৰিছে। লখিমপুৰ জিলাৰো বিভিন্ন প্ৰান্তত আৰক্ষীয়ে ব্যাপক পহৰাৰ ব্যৱস্থা গ্ৰহণ কৰিছে। জিলাখনৰ নাগৰিকৰ সুৰক্ষা তথা অপৰাধমূলক কার্যকলাপ প্রতিহত কৰাৰ বাবে আৰক্ষী প্ৰশাসনে এই ব্যৱস্থা গ্ৰহণ কৰিছে।