প্রধানমন্ত্রী নৰেন্দ্ৰ মোদীয়ে যোৱা নিশা তেওঁৰ চৰকাৰী বাসগৃহত এন ডি এৰ সকলো সদস্য তথা সাংসদসকলৰ বাবে এখন বিশেষ ভোজমেলৰ আয়োজন কৰে। সামাজিক মাধ্যমত দিয়া এটা বার্তাত প্ৰধানমন্ত্ৰীগৰাকীয়ে কয়, যে এন ডি এ পৰিয়ালে সু-শাসন, ৰাষ্ট্ৰীয় উন্নয়ন আৰু আঞ্চলিক আকাংক্ষাৰ প্ৰতি সহযোগিতামূলক দায়বদ্ধতাক প্রতিনিধিত্ব কৰে। শ্রীমোদীয়ে কয়, যে তেওঁলোকে একত্রিত হৈ আহিবলগীয়া বছৰবোৰত জাতিটোৰ উন্নয়নৰ যাত্ৰা অধিক শক্তিশালী কৰাৰ বাবে কাম কৰি যাব।