বিশিষ্ট অভিনেত্ৰী বি সৰোজা দেৱীৰ বিয়োগত প্ৰধানমন্ত্ৰী নৰেন্দ্ৰ মোদীয়ে গভীৰ শোক প্ৰকাশ কৰিছে। সামাজিক মাধ্যমৰ এটা বাৰ্তাত শ্রীমোদীয়ে কয় যে, অভিনেত্ৰী সৰোজা দেৱীক সমাজে ভাৰতীয় চলচ্চিত্ৰ আৰু সংস্কৃতিৰ এগৰাকী অনন্য শিল্পীৰূপে সদায় মনত ৰাখিব। শ্রীমোদীয়ে লগতে কয় যে তেওঁৰ অনন্য অভিনয়শৈলীয়ে সকলো প্ৰজন্মৰ লোককে আকৰ্ষিত কৰিছে। বিভিন্ন ভাষাত কৰা অভিনেত্ৰীগৰাকীৰ অভিনয় কৰ্মই শিল্পীগৰাকীৰ বহুমুখী প্রতিভাক দাঙি ধৰিছে বুলিও প্রধানমন্ত্ৰীগৰাকীয়ে উল্লেখ কৰে।