কেন্দ্ৰীয় পথ, পৰিবহণ আৰু ঘাইপথ মন্ত্রী নীতিন গাডকাৰীয়ে ৬ লেনযুক্ত বেংগালুৰু-কাদাপা-বিজয়াৱাড়া ইক‘নমিক কৰিড‘ৰৰ পেকেজ-২ আৰু পেকেজ-৩ৰ মাজেৰে অবিৰতভাৱে বিটুমিনাছ কংক্রিট পকীকৰণৰ বাবে ৪টাকৈ গিনিজ বিশ্ব অভিলেখ স্থাপন কৰাৰ বাবে ভাৰতীয় ৰাষ্ট্ৰীয় ঘাইপথ প্ৰাধিকৰণ কৰ্তৃপক্ষক অভিনন্দন জনাইছে। উন্নত প্রযুক্তি আৰু গুণগত মানদণ্ডৰদ্বাৰা সম্ভৱ হোৱা এই কৃতিত্বই দেশৰ বৰ্ধিত অভিযান্ত্রিক উৎকর্ষতা আৰু ৰূপায়ণ বা সম্পাদন ক্ষমতাক প্ৰতিফলিত কৰা বুলি মন্ত্ৰীগৰাকীয়ে মন্তব্য কৰে। তেওঁ লগতে উল্লেখ কৰে যে এই কৃতিত্বই বিশ্বমানৰ ঘাইপথ নির্মাণ আৰু আন্তঃগাঁথনি উন্নয়নৰ ক্ষেত্ৰত নতুন বিশ্বমানৰ মাপকাঠী বা উপমান নিৰ্ধাৰণৰ প্রতি দেশৰ দায়বদ্ধতাক অধিক দৃঢ় কৰিছে।