বাণিজ্য আৰু উদ্যোগ মন্ত্ৰী পীয়ুষ গোৱেলে কৈছে যে লঘু, ক্ষুদ্ৰ আৰু মজলীয়া উদ্যোগসমূহে কোটি কোটি লোকক কর্মসংস্থাপন সুযোগ আৰু বৃহৎ উদ্যোগসমূহক গুৰুত্বপূৰ্ণ যোগান শৃংখলা প্ৰদান কৰি ৰাষ্ট্ৰ নিৰ্মাণত অৱদান আগবঢ়াই আহিছে। নতুন দিল্লীত আজি দশম ভাৰত আন্তঃৰাষ্ট্ৰীয় লঘু, ক্ষুদ্ৰ আৰু মজলীয়া উদ্যোগ ষ্টার্টআপ প্রদর্শনী আৰু সন্মিলনত ভাষণ দি মন্ত্ৰীগৰাকীয়ে এইদৰে প্ৰকাশ কৰে। শ্ৰী গোৱেলে কয় যে লঘু, ক্ষুদ্ৰ আৰু মজলীয়া উদ্যোগসমূহে বৃহৎ উদ্যোগ আৰু কোম্পানীসমূহৰ বাবে যোগানকাৰী আৰু উপভোক্তা হিচাপে কাম কৰে। লঘু, ক্ষুদ্র আৰু মজলীয়া উদ্যোগসমূহে পৰ্যটন আৰু আন্তঃগাঁথনিৰ বিকাশতো গুৰুত্বপূৰ্ণ ভূমিকা পালন কৰে বুলি মন্ত্ৰীগৰাকীয়ে মন্তব্য কৰে। শ্ৰী গোৱেলে কয় যে, চৰকাৰে মান নিয়ন্ত্ৰণৰ নিৰ্দেশৰ জৰিয়তে লঘু, ক্ষুদ্ৰ আৰু মজলীয়া উদ্যোগসমূহক সহায় কৰি আহিছে আৰু এই নির্দেশে এনে উদ্যোগসমূহক বিদেশৰ অসাধু প্রতিযোগিতাৰ পৰা ৰক্ষা কৰিছে।