কেন্দ্ৰীয় তথ্য আৰু সম্প্ৰচাৰ তথা সংসদীয় পৰিক্ৰমা ৰাজ্যমন্ত্রী ড° এল মুৰুগানে কালি সন্ধিয়া চিৰাঙৰ ভাৰত-ভূটান সীমান্তৰ শিক্ষানুষ্ঠান আৰু কেন্দ্ৰীয় চৰকাৰৰ কেতবোৰ আঁচনি পৰিদর্শন কৰে। তেওঁ ছেৰফাংগুৰিত ৰাষ্ট্ৰীয় খোৱাতেল অভিযান অইল পাম প্ৰকল্পৰ হিতাধিকাৰী আৰু কৃষকসকলৰ সৈতে মত বিনিময় কৰে। মন্ত্রীগৰাকীয়ে পি এম কিষান সম্মান নিধি আৰু প্ৰধানমন্ত্রী ফচল বীমা যোজনা আঁচনিৰ অধীনৰ কৃষকসকলকো সাক্ষাৎ কৰি এই আঁচনিসমূহৰ বিষয়ে তেওঁলোকৰ পৰা মতামত গ্ৰহণ কৰে। ইয়াৰ লগতে শ্ৰীমুৰুগানে শান্তিপুৰত নির্মীয়মাণ কস্তুৰবা গান্ধী বিদ্যালয়ৰ ছাত্ৰী নিৱাসৰ নিৰ্মাণৰ কাজ-কাজৰ অগ্ৰগতিৰ বুজ লয়। মন্ত্ৰীগৰাকীক সাংসদ ৰণগৌড়া নাৰ্জাৰী, জয়ন্ত বসুমতাৰী, চিৰাঙৰ জিলা আয়ুক্ত পি বিজয় ভাস্কৰ ৰেড্ডী আৰু অতিৰিক্ত জিলা আয়ুক্ত ফিৰোডজ আলম শ্বেইখে সংগ দিয়ে। হাতীচৰৰ বনগাঁৱত ৰাইজৰ সৈতে মত বিনিময় কৰি মন্ত্ৰীগৰাকীয়ে চৰকাৰৰ তৃণমূল পৰ্যায়ৰ পৰা সকলোৰে বিকাশ আৰু কল্যাণৰ হকে গ্রহণ কৰা পদক্ষেপসমূহৰ বিষয়ে দোহাৰে।