ঝাৰখণ্ডৰ পশ্চিম সিংভূম জিলাৰ সাৰান্দা বনাঞ্চলত আজি পুৱা সুৰক্ষা বাহিনী আৰু মাওবাদীৰ মাজত সংঘর্ষ হয়। এই সংঘর্ষত ১০ জনতকৈ অধিক মাওবাদী নিহত হয়। নিহতসকলৰ ভিতৰত গিৰিদিহ জিলাৰ মাওবাদী নেতা পাটিৰাম মাঝি ওৰফে অনলদা অন্যতম। উল্লেখযোগ্য যে গিৰিদিহ, ওকাৰো, হাজাৰিবাগ, খুণ্টি, চেৰাইখেলা, খাৰচোৱান আৰু পশ্চিম সিংভূমত প্রায় দুই দশক ধৰি মাওবাদী কার্যকলাপত সক্রিয় হৈ থকা অনলদাক নিৰাপত্তা বাহিনীক আক্রমণ, আই ইডি বিস্ফোৰণ আৰু ধন দাবীকে ধৰি কেইবাটাও গোচৰত সন্ধান কৰি থকা হৈছিল।