বৈদেশিক পৰিক্ৰমা মন্ত্ৰী ড০ এছ জয়শংকৰে আজি ঢাকাত বাংলাদেশৰ প্ৰাক্তন প্রধানমন্ত্ৰী তথা বি এন পিৰ মুখপাত্র খালেদা জিয়াৰ জানাজা কাৰ্যসূচীত অংশগ্ৰহণ কৰিব। এই জানাজাত ড০ জয়শংকৰে ভাৰত চৰকাৰ আৰু ভাৰতৰ জনসাধাৰণক প্রতিনিধিত্ব কৰিব।  বাংলাদেশৰ প্ৰথমগৰাকী মহিলা প্রধানমন্ত্রী খালেদা জিয়াৰ কালি ঢাকাত দেহাৱসান ঘটে। মৃত্যুৰ সময়ত তেওঁৰ বয়স আছিল ৮০ বছৰ। ঢাকাৰ জাতীয় সংসদ ভৱন আৰু মাণিক মিয়া এভিনিউৰ ছাউথ প্লাজাত বাংলাদেশৰ প্ৰাক্তন প্রধানমন্ত্ৰীগৰাকীক জানাজা সম্পন্ন কৰা হ’ব। এই জানাজাত দক্ষিণ আৰু দক্ষিণ পূব এছিয়াৰ কেইবাখনো দেশৰ প্রতিনিধি উপস্থিত থকাৰ কথা আছে।