কেন্দ্ৰীয় চৰকাৰৰ গৃহ মন্ত্ৰ্যালয়ে তিনিচুকীয়া জিলাৰ ডিগবৈ থানাক ৰাজ্যৰ শ্ৰেষ্ঠ থানা হিচাপে বাছনি কৰিছে। কাইলৈ অসম আৰক্ষী সঞ্চালকপ্ৰধানৰ কাৰ্যালয়ত ডিগবৈ থানাক শ্রেষ্ঠ থানা হিচাপে প্রশংসা পত্ৰ প্ৰদান কৰিব। অসম আৰক্ষীৰ পৰিদৰ্শনক দিব্যজ্যোতি দত্তই ডিগবৈ থানাৰ ভাৰপ্ৰাপ্ত বিষয়া হিচাপে দায়িত্ব পালন কৰি আছে। বিষয়াগৰাকীৰ নেতৃত্বত ডিগবৈ অঞ্চলত অপৰাধমূলক কামকাজ হ্ৰাস পোৱাৰ উপৰি কেইবাটাও অঞ্চলত সজাগতাৰ সৃষ্টি হৈছে।