ডিব্ৰুগড় বিশ্ববিদ্যালয়ৰ ২৩ সংখ্যক দীক্ষান্ত সমাৰোহ কাইলৈ অনুষ্ঠিত হ’ব। এই সমাৰোহত ৰাজ্যৰ শিক্ষা, সাহিত্য আৰু সংস্কৃতিলৈ বিশিষ্ট অৱদান আগবঢ়োৱা নাহেন্দ্ৰ পাদুনক ডি.লিট আৰু প্লাজমা বিজ্ঞানী ড° জয়ন্তী চুতীয়াক ডি.এচ.চি প্ৰদান কৰা হব। মার্কিন যুক্তৰাষ্ট্ৰ চৰকাৰৰ স্বাস্থ্য গৱেষণা সংস্থাৰ উপদেষ্টা হিচাপে নিযুক্তি লাভ কৰা প্ৰথম অসমীয়া ড° ৰূপম শৰ্মা অতিথি হিচাপে উপস্থিত থাকিব। ডিব্ৰুগড় বিশ্ববিদ্যালয়ৰ আচাৰ্য ৰাজ্যপাল লক্ষ্মণ প্ৰসাদ আচাৰ্যই পৌৰহিত্য কৰিবলগীয়া দীক্ষান্ত সমাৰোহৰ কাৰ্যসূচী ১২ বাজি ৩০ মিনিটৰ পৰা আৰম্ভ হব বুলি বিশ্ববিদ্যালয় কর্তৃপক্ষই জানিবলৈ দিছে।