সোণোৱাল কছাৰী স্বায়ত্বশাসিত পৰিষদৰ ডিব্ৰুগড় জিলাৰ অন্তৰ্গত ১৩টা সমষ্টি পুনৰ নিৰ্ধাৰণৰ বাবে প্ৰকাশিত খচৰাৰ ক্ষেত্ৰত ওজৰ-আপত্তিৰ দাখিলৰ দিন অহা ৩০ জুন ধাৰ্য কৰা হৈছে। দাবী আৰু আপত্তিসমূহৰ নিষ্পত্তিকৰণৰ অন্তিম দিন অহা ৭ জুলাই। সমষ্টি পুনৰ নিৰ্ধাৰণৰ প্ৰকাশিত খচৰাৰ ক্ষেত্ৰত কিবা দাবী বা আপত্তি থাকিলে সংশ্লিষ্ট ব্যক্তি বা সংগঠনে ডিব্ৰুগড়ৰ জিলা আয়ুক্তৰ কাৰ্যালয়ত নিৰ্ধাৰিত সময়সীমাৰ ভিতৰত আপত্তিসমূহ দাখিল কৰিব পাৰিব।