অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সমিতিৰ উদ্যোগত আৰু কামৰূপ মহানগৰ জিলা সমিতিৰ সহযোগত কা বিৰোধী গণ আন্দোলনৰ ৫ গৰাকী ছহিদৰ সোঁৱৰণত সদৌ অসম ভিত্তিত আন্তঃশিক্ষানুষ্ঠান তর্ক প্রতিযোগিতাৰ আয়োজন কৰা হৈছে। কটন বিশ্ববিদ্যালয়ৰ কলাগুৰু বিষ্ণু ৰাভা প্রেক্ষাগৃহত অহা ৩০ আগষ্টত পুৱা ৯ বজাত প্ৰতিযোগিতা আৰম্ভ হ’ব। তৰ্ক প্রতিযোগিতাৰ বিষয় হৈছে- সদনৰ মতে ইনাৰ লাইন পার্মিট ব্যৱস্থাৰ প্ৰৱৰ্তন আৰু অসম চুক্তিৰ আধাৰত সাংবিধানিক ৰক্ষা কৱচ প্ৰদানৰ বাদে অসমীয়া মানুহৰ ভৱিষ্যত সুৰক্ষাৰ আন কোনো বাটেই নাই। প্রতিযোগিতাত বিজয়ীসকলক মানপত্ৰ আৰু নগদ ধনেৰে পুৰস্কৃত কৰা হ’ব।