চৰাইদেউ জিলাত অহা ১৯ জানুৱাৰীৰ পৰা ১৫ বছৰৰ পৰা ৬৫ বছৰ বয়সৰ লোক সকলৰ বাবে জাপানীজ এনকেফেলাইটিছৰ টিকাকৰণ অভিযান অনুষ্ঠিত হব। এই অভিযান ফেব্ৰুৱাৰীৰ মাহৰ প্ৰথম সপ্তাহলৈ চলিব বুলি চৰাইদেউ জিলা যুটীয়া স্বাস্থ্য সঞ্চালকে জানিবলৈ দিছে। জিলাখনৰ সকলো চৰকাৰী স্বাস্থ্য প্রতিষ্ঠান, উপস্বাস্থ্য কেন্দ্র, টিকাকৰণ স্থানসমূহৰ লগতে গাঁৱে গাঁৱে বিশেষ শিবিৰ পাতি টিকা প্রদান কৰা হ‘ব। অতিৰিক্ত মুখ্য স্বাস্থ্য আৰু চিকিৎসা বিষয়া ডাঃ সোণালী চেতিয়াই সোণাৰীত আজি অনুষ্ঠিত এখন সংবাদমেল যোগে এই বিষয়ে জানিবলৈ দিয়ে। এই কাৰ্যসূচীত জিলাখনৰ মুঠ ২ লাখ ২১ হাজাৰ ২৬০ গৰাকী লোকক সামৰি লোৱা হৈছে।