কেন্দ্ৰীয় চৰকাৰে আজি বৈদ্যুতিক সামগ্ৰীৰ উৎপাদন বৃদ্ধি কৰাৰ লগতে এই সামগ্ৰীসমূহৰ যোগান শক্তিশালী কৰিবলৈ বৈদ্যুতিক সামগ্রী উৎপাদন আঁচনিত অনুমোদন জনাইছে। আজি নতুন দিল্লীত মন্ত্ৰীসভাৰ সিদ্ধান্তসমূহৰ বিষয়ে সংবাদ মাধ্যমৰ আগত অৱগত কৰি তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱে কয়, যে বৈদ্যুতিক সামগ্রী উৎপাদন আঁচনিৰ বাবে চৰকাৰে ২২ হাজাৰ কোটি টকাৰো অধিক পুঁজিৰ যোগান ধৰিব। তেওঁ লগতে কয়, যে এই আঁচনিৰ জৰিয়তে ৯১ হাজাৰৰো অধিক প্ৰত্যক্ষ কৰ্ম সংস্থাপনৰ লগতে কেইবাহাজাৰৰো অধিক পৰোক্ষ কৰ্ম সংস্থাপনৰ সৃষ্টি হ’ব।
