দিল্লীত বি এছ এফৰ উদ্যোগত কাইলৈৰ পৰা অহা ২০ ফেব্ৰুৱাৰীলৈ সীমান্ত সুৰক্ষা বাহিনী আৰু বাংলাদেশৰ সীমান্তৰক্ষী বি জি বিৰ মাজত ৫৫ সংখ্যক সঞ্চালক পৰ্যায়ৰ সীমা সহযোগিতা সন্মিলন অনুষ্ঠিত হ’ব। এই সন্মিলনৰ সময়ত বি এছ এফৰ সঞ্চালকপ্রধান দলজিৎ সিং চৌধাৰীৰ নেতৃত্বত ভাৰতৰ বি এছ এফৰ প্ৰতিনিধি দলে বি জি বিৰ সঞ্চালকপ্ৰধান মেজৰ জেনেৰেল মহম্মদ আশ্রাফুজামানৰ চিদ্দিকিৰ নেতৃত্বত বি জি বিৰ প্ৰতিনিধি দলক সাক্ষাৎ কৰিব। এই সন্মিলনত সীমান্ত সম্পৰ্কীয় বিষয়সমূহ আলোচনা কৰাৰ লগতে দুয়ো দেশৰ সীমান্তৰক্ষী বাহিনীৰ মাজত সহযোগিতা উন্নত কৰা বিষয়ত গুৰুত্ব প্ৰদান কৰা হ’ব। এই সন্মিলনতে বাংলাদেশৰ দুষ্কৃতিকাৰীয়ে বি এছ এফৰ জোৱান আৰু ভাৰতীয় নাগৰিকৰ ওপৰত কৰা আক্ৰমণ প্ৰতিৰোধ, সীমাৰ সিপাৰৰ অপৰাধ প্ৰতিৰোধৰ লগতে অন্যান্য বিষয়সমূহৰ ওপৰত আলোচনা কৰা হ’ব।