ভাৰতীয় ক্রিকেট নিয়ন্ত্ৰণ পৰিষদে ভাৰতৰ মহিলা ক্রিকেট দলৰ আসন্ন ইংলেণ্ড ভ্ৰমণৰ বাবে খেলুৱৈসকলৰ নাম ঘোষণা কৰিছে। অহা ২৮ জুনৰ পৰা ২২ জুলাইলৈ হ’বলগীয়া এই ভ্রমণকালত দলটোৱে ৫ খন টি-২০ আৰু ৩ খন এদিনীয়া খেলত অংশ ল’ব। হৰমনপ্রীত কৌৰে এদিনীয়া আৰু টি-২০ দুয়োটা দলক নেতৃত্ব দিব আৰু স্মৃতি মান্ধানাই উপ-অধিনায়কৰ দায়িত্ব পালন কৰিব। ১৫ জনীয়া টি-২০ দলত শেফালী বার্মা, জেমিমা ৰড্রিগে’জ, দীপ্তি শৰ্মাৰ দৰে প্ৰধান খেলুৱৈসকলক ৰখাৰ লগতে ৰিচা ঘোষ আৰু য়স্তিকা ভাটিয়াক উইকেটৰক্ষকৰ দায়িত্ব দিয়া হৈছে। এদিনীয়া শৃংখলাৰ বাবে ঘোষণা কৰা ১৬ জনীয়া দলটোত টি-২০ দলটোৰ প্ৰায় আটাইকেইগৰাকী খেলুৱৈৰ সৈতে প্ৰতীকা ৰাৱাল আৰু তেজল হাছাব্-নিছক স্থান দিয়া হৈছে। অহা ২৮ জুনত ট্ৰেণ্ট ব্ৰীজত প্রথম টি-২০ খেলখন খেলোৱা হ’ব।