অসম গণ পৰিষদৰ সভাপতি অতুল বৰাৰ অধ্যক্ষতাত আজি আমবাৰীস্থিত দলৰ মুখ্য কাৰ্য্যালয়ত কেন্দ্ৰীয় সমিতিৰ বৰ্ধিত কাৰ্য্য নির্বাহক সভা অনুষ্ঠিত হয়। সভাত আসন্ন বিধানসভা নির্বাচনৰ লগতে দলৰ বিভিন্ন পৰ্য্যায়ৰ সাংগঠনিক বিষয় লৈ আলোচনা কৰা হয়। সভা সন্দৰ্ভত সাংবাদিকৰ সৈতে হোৱা কথা-বতৰাত অতুল বৰাই কয়, যে দলটো শিপাৰ সন্ধানত ব্রতী হ’ব। তেওঁ লগতে দলীয় কর্মীসকলে স্থানীয় পর্য্যায়ত দলৰ ভেটি শক্তিশালী কৰা আৰু জনসংযোগ বৃদ্ধি কৰাৰ বাবে কাম কৰি আছে। বৈঠকত জয়ৰ সম্ভাৱনা থকা সমষ্টিবোৰ চিনাক্ত কৰি অগ্ৰাধিকাৰৰ ভিত্তিত কথাবোৰ বিবেচনা কৰা হ’ব বুলি তেওঁ মন্তব্য কৰে।

সভাত দলৰ জ্যেষ্ঠ নেতা ফণীভূষণ চৌধুৰী, কেন্দ্ৰীয় সমিতিৰ উপ-সভাপতি, সাধাৰণ সম্পাদক, সম্পাদকসকলৰ আৰু ভাতৃ ভগ্নী সংগঠনৰ কেন্দ্রীয় সমিতিৰ সভাপতি প্ৰমুখ্যে জিলা সমিতিৰ সভাপতি, সম্পাদকসকল উপস্থিত থাকে।