মন্ত্ৰী অতুল বৰাই আজি যোৰহাটত পশুপালন আৰু পশু চিকিৎসা বিভাগৰ কাৰ্যালয়ত পশু চিকিৎসা বিষয়া আৰু খণ্ড পশু চিকিৎসা বিষয়াসকলৰ সৈতে পর্যালোচনা বৈঠকত মিলিত হয়। বানৰ সময়ত জিলাখনৰ পশুধন আৰু হাঁহ-কুকুৰা ৰক্ষণাবেক্ষণ দিয়াৰ ক্ষেত্ৰত বিভাগটোৰ প্ৰদৰ্শন, পিয়লৰ স্থিতি সম্পৰ্কত বৈঠকত মূল্যায়ন কৰা হয়। বৈঠকত পশুধনৰ টীকাকৰণৰ স্থিতি, কৃত্ৰিম প্ৰজনন, কিষাণ ক্রেডিট কাৰ্ডৰ হিতাধিকাৰীৰ সংখ্যা আদিকে ধৰি বিভিন্ন চৰকাৰী আঁচনি ৰূপায়ণৰ শেহতীয়া অগ্ৰগতিৰ বিষয়ে আলোচনা কৰা হয়।