অসম আৰক্ষীয়ে শিশু মিত্ৰ কাৰ্যসূচীৰ অধীনত গুৱাহাটীৰ উলুবাৰীৰ মুখ্য কাৰ্যালয়ত এখন ৰাজ্যিক পৰ্যায়ৰ আলোচনাচক্র অনুষ্ঠিত কৰে।
গুৱাহাটী উচ্চ ন্যায়ালয়ৰ ন্যায়াধীশ কৌশিক গোস্বামীয়ে এই আলোচনাচক্ৰত মুখ্য অতিথি হিচাপে অংশগ্ৰহণ কৰে। তেওঁ সুৰক্ষাৰ প্ৰয়োজন হোৱা শিশুসকলে কোনো ধৰণৰ বাধা অবিহনে ন্যায় আৰু পুনৰ সংস্থাপন লাভ কৰাটো গুৰুত্বপূৰ্ণ বিষয় বুলি মত পোষণ কৰে। আৰক্ষী সঞ্চালক প্রধান হৰমিত সিঙে আলোচনাত অংশ লৈ শিশুসকলে সন্মুখীন হোৱা সমস্যাসমূহ সমাধান কৰিবলৈ এখন মঞ্চ গঢ়ি তোলাৰ পোষকতা কৰে। ৰাজ্য চৰকাৰৰ গৃহ আৰু ৰাজনৈতিক বিভাগৰ মুখ্য সচিব অজয় তিৱাৰী, কামৰূপ, নগাঁও আৰু মৰিগাঁও জিলা আৰু ছেছন ন্যায়াধীশকে ধৰি শিশু সুৰক্ষাৰ সৈতে জড়িত কেইবাটাও সংস্থাৰ বিষয়ববীয়াই এই আলোচনাচক্ৰত অংশ লয়।