ৰাজ্যত যোৱা কিছুদিন ধৰি গ্ৰীষ্মৰ প্ৰকোপ অব্যাহত আছে। কালি ডিব্ৰুগড়, যোৰহাট, উত্তৰ লখিমপুৰ আৰু ওদালগুৰি জিলাৰ মাজবাটত পাৰাস্তম্ভই ৩৮ ডিগ্রী চেলছিয়াছ অতিক্রম কৰে। একেদৰে নগাঁও আৰু কামৰূপ জিলাত পাৰাস্তম্ভই ৩৭ দশমিক ৫ ডিগ্রী চেলছিয়াছ অতিক্ৰম কৰে। পাৰাস্তম্ভ বৃদ্ধি পোৱাৰ ফলত জনজীৱন একপ্ৰকাৰ স্থবিৰ হৈ পৰিছে। আঞ্চলিক বতৰ বিজ্ঞান কেন্দ্ৰই অসম, মেঘালয়, অৰুণাচল প্ৰদেশ, নাগালেণ্ড, মণিপুৰ, মিজোৰাম আৰু ত্ৰিপুৰাৰ ঠাই বিশেষে উষ্ম আৰু আদ্ৰ বতৰ থাকিব বুলি আগলি বতৰা দিছে। এই সময়ছোৱাত ৰাজ্যকেইখনৰ সৰ্বাধিক তাপমাত্রা স্বাভাৱিকতকৈ ৩ৰ পৰা ৫ ডিগ্ৰী চেলছিয়াছ অধিক হ’ব পাৰে বুলি বিভাগে সকীয়াই দিছে। গুৱাহাটীৰ বতৰ আজি আংশিকভাৱে ডাৱৰীয়া হৈ থাকিব। আজি গুৱাহাটীৰ তাপমাত্রা সর্বোচ্চ ৩৫ ডিগ্ৰী চেলছিয়াছ আৰু সৰ্বনিম্ন তাপমাত্রা ২৭ ডিগ্ৰী চেলছিয়াছ হ’ব পাৰে বুলি বৰঝাৰৰ আঞ্চলিক বতৰ বিজ্ঞান কেন্দ্রই আগজাননী দিছে।