ৰাজ্যিক মন্ত্রীসভাই আশাকৰ্মী আৰু আশা নিৰীক্ষকসকলৰ মাননি বৃদ্ধি কৰাৰ সিদ্ধান্ত গ্ৰহণ কৰিছে। দিছপুৰত কালি অনুষ্ঠিত মন্ত্ৰীসভাৰ বৈঠকত গ্ৰহণ কৰা এই সিদ্ধান্ত অনুসৰি পহিলা অক্টোবৰৰ পৰা আশাকৰ্মীসকলে ৪ হাজাৰ আৰু আশা নিৰীক্ষকসকলে ১০ হাজাৰ ২০০ টকা মাহেকীয়া মাননি লাভ কৰিব। স্বাস্থ্য মন্ত্ৰী অশোক সিংহলে মন্ত্ৰীসভাৰ বৈঠকৰ পাছত সাংবাদিকৰ সৈতে হোৱা কথা-বতৰাত আশাকর্মী আৰু আশা নিৰীক্ষকসকলৰ উদগনিমূলক ধনৰাশি বৃদ্ধিৰ কথা প্ৰকাশ কৰে।