বিশ্ব ঐতিহ্য ক্ষেত্ৰ মানস ৰাষ্ট্ৰীয় উদ্যানত অহা ২৩ জানুৱাৰীৰ পৰা ৩১ জানুৱাৰীলৈ ৯ দিনীয়া কাৰ্যসূচীৰে বাঁহবাৰী ৰেঞ্জৰ প্ৰথম প্ৰৱেশদ্বাৰ প্ৰাংগনত “মানাহ মহোৎসৱ” ৰ আয়োজন কৰা হৈছে। এই উপলক্ষে মানাহ মহোৎসৱ উদযাপন সমিতিৰ সভাপতি সুভাষ তির্কীয়ে আজি মহোৎসৱৰ লাইখুঁটা স্থাপন কৰে। কেবাগৰাকী বিশিষ্ট ব্যক্তিৰ উপস্থিত এই মহোৎসৱৰ লাইখুঁটা
স্থাপন কাৰ্যসূচী ৰূপায়ন কৰা পৰিলক্ষিত হয়। উল্লেখ্য য়ে মানস ৰাষ্ট্ৰীয় উদ্যানলৈ অহা পর্যটকসকলৰ আকৰ্ষণ বৃদ্ধি কৰিবলৈ প্ৰতি বছৰে এই মহোৎসৱৰ আয়োজন কৰা হয়। এই মহোৎসৱত উদ্যানখনৰ দাঁতিকাষৰীয়া বিভিন্ন জাতি-জনগোষ্ঠীৰ কৃষ্টি-সংস্কৃতি, খাদ্য সম্ভাৰ প্ৰদৰ্শন হ’ব বুলি উদ্যোক্তা সকলে জানিবলৈ দিয়ে।