● ত্ৰিৰৱনন্তপুৰমত অনুষ্ঠিত মহিলা টি-টুৱেন্টি ক্রিকেট শৃংখলাৰ চতুৰ্থখন খেলত যোৱানিশা ভাৰতে, শ্রীলংকাক ৩০ ৰানত পৰাস্ত কৰে। ভাৰতে প্ৰথমে বেট ধৰাৰ আমন্ত্রণ লাভ কৰি নিৰ্ধাৰিত ২০ অভাৰত দুটা উইকেট হেৰুৱাই শ্রীলংকাক ২২২ ৰানত বৃহৎ লক্ষ্য নিৰ্ধাৰণ কৰি দিয়ে। দলৰ হৈ স্মৃতি মান্ধানাই ৮০ আৰু শেফালি বাৰ্মাই ৭৯ ৰান কৰে। প্ৰত্যুত্তৰত শ্ৰীলংকাই ২০ অভাৰত ৬ উইকেটৰ বিনিময়ত ১৯১ ৰানহে কৰিবলৈ সমৰ্থ হয়। দলটোৰ হৈ চামাৰী আথাপটুৱে ৫২ ৰান কৰে। ভাৰতৰ অৰুন্ধতী ৰেড্ডী আৰু বৈষ্ণৱী শৰ্মাই দুটাকৈ উইকেট দখল কৰাৰ লগতে এন ছৰনীয়ে এটা উইকেট লাভ কৰে। স্মৃতি মান্ধানাক প্লেয়াৰ অব্ দ্যা মেচ ঘোষণা কৰা হয় ৷
এই জয়ৰ সুবাদত ভাৰতে পাঁচখনীয়া টি-টুৱেণ্টি শৃংখলাত ৪-০ৰ অগ্ৰগতি লাভ কৰিছে। শৃংখলাৰ পঞ্চম তথা অন্তিমখন খেল কাইলৈ তিৰৱনন্তপুৰমতে অনুষ্ঠিত হ’ব।
