ভাৰত আৰু ইংলেণ্ডৰ মাজৰ চলিত ক্রিকেট শৃংখলাৰ চতুৰ্থখন টেষ্ট মেচ আজিৰ পৰা অ’ল্ড ট্রেফ’ৰ্ডত অনুষ্ঠিত হৈছে। টেষ্টখনত প্ৰথমে বেট ধৰাৰ আমন্ত্ৰণ লাভ কৰা ভ্ৰমণকাৰী ভাৰতীয় দলটোৱে বাতৰি যুগুতোৱাৰ পৰলৈ এটা উইকেট হেৰুৱাই প্ৰথম ইনিংছত ১০১ ৰান সংগ্ৰহ কৰিছে। কে এল ৰাহুল ৪৬ ৰান কৰি আউট হোৱাৰ পাছত যশস্বী জয়ছোৱালে ৫০ আৰু ছাই সুদৰ্শন ২ ৰান কৰি খেলি আছে। প্রথম উইকেটৰ যুটীত কে এল ৰাহুল আৰু জয়ছোৱালে ৯৪ ৰান সংগ্ৰহ কৰে। ভাৰতৰ হৈ আজি বেগী বলাৰ অঞ্চল কমবোজৰ টেষ্ট অভিষেক ঘটিছে। আনহাতে কৰুণ নায়াৰৰ স্থানত বেটাৰ ছাই সুদৰ্শন মূল একাদশত অন্তৰ্ভুক্ত হৈছে।