ভাৰত আৰু ইংলেণ্ডৰ মাজত অ’ল্ড ট্রেফ’ৰ্ডত চলি থকা চতুর্থ ক্রিকেট টেষ্টৰ আজি দ্বিতীয় দিনা ভাৰতে প্রথম ইনিংছত আটাইকেইটা উইকেট হেৰুৱাই ৩৫৮ ৰান সংগ্ৰহ কৰিবলৈ সমৰ্থ হয়। ভোজন বিৰতিৰ পৰলৈকে ৬ উইকেটৰ বিনিময়ত ৩২২ ৰান সংগ্ৰহ কৰা ভাৰতৰ হৈ ছাই সুদৰ্শন ৬১ ৰান কৰি, ছার্দুল ঠাকুৰে ৪১ বান আৰু ৰবীন্দ্ৰ জাডেজাই ২০ ৰান কৰি আউট হয়। কালি আঘাতপ্ৰাপ্ত হৈ খেলপথাৰ ত্যাগ কৰিবলগীয়া হোৱা ভাৰতৰ উপ-অধিনায়ক ঋষভ পণ্ট বেটিং কৰিবলৈ আহে আৰু ভাৰতৰ ৰান সংখ্যা আগবঢ়াবলৈ চেষ্টা কৰে যদিও ক্রমাগত উইকেট পতনৰ ফলত ৩৫৮ ৰানত ইনিংছ সামৰিবলৈ বাধ্য হয়।
ভোজন বিৰতিৰ পাছত ভাৰতে ৱাশ্বিংটন সুন্দৰৰ উইকেট হেৰুৱায়। টেষ্ট অভিষেক ঘটা অংশুল কম্বোজে আজি এটাও ৰান সংগ্রহ নকৰাকৈ আউট হয়। ঋষভ পন্ট ৫৪ ৰান কৰি জ’ফ্রা আর্চাৰৰ বলত বল্ড আউট হয়।