ভাৰতে উচ্চ সুৰক্ষা মান বৰ্তাই ৰাখি পাৰমাণৱিক শক্তি কাৰ্যসূচীৰ এক নির্ণায়ক বিন্দুত উপনীত হৈছে বুলি বিজ্ঞান আৰু প্ৰযুক্তি বিভাগৰ কেন্দ্ৰীয় মন্ত্ৰী ড° জিতেন্দ্ৰ সিঙে প্ৰকাশ কৰিছে। কালি নতুন দিল্লীত আয়োজিত এখন সংবাদমেলত মন্ত্ৰীগৰাকীয়ে কয়, যে চৰকাৰে শেহতীয়াকৈ প্ৰণয়ন কৰা পাৰমাণৱিক আইনখনৰ অধীনত বিশদ পর্যালোচনা চলাই থকা হৈছে। চৰকাৰে অত্যাৱশ্যকীয় সুৰক্ষাৰ ক্ষেত্ৰত কোনো ধৰণৰ আপোচ নকৰাকৈ বে-চৰকাৰী অংশগ্ৰহণৰ বাবেও পাৰমাণৱিক খণ্ডটো মুকলি কৰি দিছে বুলিও তেওঁ প্ৰকাশ কৰে। ড° সিঙে দৃঢ়ভাৱে
কয়, যে দেশৰ দীৰ্ঘম্যাদী শক্তিৰ মিশ্রণে জলবায়ুৰ প্ৰতিশ্রুতি, কৌশলগত প্রয়োজনীয়তা আৰু অৰ্থনৈতিক বিকাশ পূৰণৰ বাবে নবীকৰণযোগ্য শক্তি আৰু পাৰমাণৱিক শক্তিৰ মাজত ভাৰসাম্য ৰক্ষা কৰিব৷