দুগ্ধ খণ্ড হৈছে দেশৰ এটা গুৰুত্বপূৰ্ণ স্তম্ভ আৰু গাঁও তথা কৃষকসকলে এই খণ্ডলৈ সমৃদ্ধি আনে। নতুন দিল্লীত অনুষ্ঠিত ৰাষ্ট্ৰীয় দুগ্ধ দিৱসৰ কাৰ্যসূচীত অংশ লৈ মৎস্য, পশুপালন আৰু দুগ্ধ উৎপাদন দপ্তৰৰ ৰাজ্যমন্ত্রী ড০ এছ পি সিং বাঘেলে আজি এই কথা প্রকাশ কৰে। ড০ বাঘেলে কয় যে ভাৰতত বিশ্বৰ ভিতৰতে সর্বাধিক পৰিমাণৰ দুগ্ধ উৎপাদন কৰা হয়। কেন্দ্ৰীয় মন্ত্ৰীগৰাকীয়ে শ্বেত বিপ্লৱৰ পিতা ভার্গিজ কুৰিয়ানৰ প্ৰশংসনীয় কামত আলোকপাত কৰি কয় যে শ্বেত বিপ্লবে কৃষকসকলক মধ্যভোগীৰ পৰা মুক্ত কৰি তেওঁলোকৰ কামক মর্যাদা প্রদান কৰিলে। এই অনুষ্ঠানতে মন্ত্ৰীগৰাকীয়ে ১৫জন গো-পালকক ৰাষ্ট্ৰীয় গোপাল বঙ্গ বঁটা প্রদান কৰে। অনুষ্ঠানত পশুধন আৰু দুগ্ধ খণ্ডৰ বিকাশৰ লক্ষ্যৰে এলানি গুৰুত্বপূর্ণ ব্যৱস্থা মুকলি কৰা হয়।