● কেন্দ্ৰীয় বন্দৰ, জাহাজ পৰিবহণ আৰু জলপথ মন্ত্রী সর্বানন্দ সোণোৱালে আজি বিশাখাপট্টনমত দুদিনীয়া BIMSTEC বন্দৰ সন্মিলন উদ্বোধন কৰে। এই বন্দৰ সন্মিলনত বংগোপ সাগৰ উপকূলীয় ৰাষ্ট্ৰসমূহৰ মাজত আঞ্চলিক সামুদ্রিক যোগাযোগ আৰু সহযোগিতা বৃদ্ধিৰ ক্ষেত্ৰত থকা প্রতিশ্রুতিবদ্ধতা সন্দৰ্ভত পৰ্যালোচনা কৰা হ’ব। অনুষ্ঠানত ভাষণ দি শ্ৰী সোণোৱালে কয়, যে ভাৰতৰ চুবুৰীয়া প্ৰথম নীতিয়ে আঞ্চলিক সামুদ্রিক খণ্ডত সহযোগিতাৰ নেতৃত্ব দিয়াৰ ক্ষেত্ৰত ইয়াৰ দায়বদ্ধতাৰ উদাহৰণ দাঙি ধৰিছে। তেওঁ কয়, যে হৰিৎ সাগৰ আৰু সেউজ বন্দৰৰ দৰে বিভিন্ন পদক্ষেপসমূহে জল পৰিবহণৰ জৰিয়তে অৰ্থনৈতিক বিকাশ ত্বৰান্বিত কৰাত বিশেষ ভূমিকা পালন কৰিছে।
বিশাখাপট্টনম বন্দৰ প্ৰাধিকৰণৰ অধীনত দুদিনীয়াকৈ আয়োজন কৰা BIMSTEC বন্দৰ সন্মিলনৰ বিষয়বস্তু হৈছে ‘সামুদ্রিক অর্থনীতি, উদ্ভাৱন আৰু বহনক্ষম অংশীদাৰিত্ব’। এই সন্মিলনত BIMSTEC-ৰ সদস্য ৰাষ্ট্র বাংলাদেশ, ভূটান, ভাৰত, ম্যানমাৰ, নেপাল, শ্রীলংকা আৰু থাইলেণ্ডৰ সংশ্লিষ্ট মন্ত্ৰ্যালয়ৰ প্ৰতিনিধি আৰু বিষয়াসকলে অংশগ্রহণ কৰিছে।
