ইলেকট্ৰনিকছ আৰু তথ্য প্রযুক্তি মন্ত্ৰী অশ্বিনী বৈষ্ণৱে কয় যে বিগত ১১ বছৰত দেশত বৈদ্যুতিক সামগ্ৰীৰ উৎপাদন ৬ গুণ আৰু ৰপ্তানি ৮ গুণ বৃদ্ধি হৈছে। সামাজিক মাধ্যমযোগে দিয়া এটা বাৰ্তাত শ্রীবৈষ্ণৱে কয় যে বিগত বৰ্ষত এলে ৫ হাজাৰ কোটি আমেৰিকান ডলাৰ মূল্যৰ মোবাইল ফোন ৰপ্তানি কৰিছে। তেওঁ কয় যে ইয়াৰ জৰিয়তে ৰপ্তানিৰ শীৰ্ষ তিনিটা স্থানৰ ভিতৰত বৈদ্যুতিক সামগ্রী অন্তৰ্ভুক্ত হৈছে। চলিত বৰ্ষত চাৰিটা ছেমিকণ্ডাক্টৰ প্ৰকল্পৰ অধীনত বাণিজ্যিক উৎপাদন আৰম্ভ হ’ব বুলিও তেওঁ প্ৰকাশ কৰে। বৈদ্যুতিক সামগ্ৰী নিৰ্মাণ খণ্ডত সম্প্ৰতি ২৫ লাখ নিয়োগৰ সুবিধা আছে বুলি প্ৰকাশ কৰি তেওঁ কয় যে বহুসংখ্যক কাৰখানাৰ জৰিয়তে একো একোটা স্থানত ৫ হাজাৰতকৈ অধিক লোকৰ নিয়োগৰ সুবিধা গঢ়ি উঠিছে।