কেন্দ্রীয় মন্ত্রী জীতেন্দ্র সিঙে ফেমিলি পেঞ্চনধাৰক আৰু বয়োজ্যেষ্ঠ পেঞ্চনধাৰকসকলৰ ওজৰ-আপত্তি নিষ্পত্তিৰ বাবে অহা জুলাইত বিশেষ অভিযানৰ মাহজোৰা দ্বিতীয় পৰ্যায় মুকলি কৰিব। পেঞ্চন আৰু পেঞ্চনাৰ কল্যান বিভাগে ফেমিলি পেঞ্চনধাৰক আৰু বয়োজ্যেষ্ঠ পেঞ্চনধাৰকসকলৰ ২,২১০ টা ওজৰ আপত্তি নিষ্পত্তিৰ বাবে এই অভিযান মুকলি কৰা হ’ব। কৰ্মচাৰী, ৰাজহুৱা ওজৰ আপত্তি নিষ্পত্তি আৰু পেঞ্চন মন্ত্ৰালয়ে প্ৰকাশ কৰা মতে, পেঞ্চন বিভাগৰ সচিবৰ অধ্যক্ষতাত আজি নডেল বিষয়াসকলৰ সৈতে পেঞ্চনধাৰক সকলৰ ওজৰ আপত্তি নিষ্পত্তি সম্পৰ্কে হোৱা বৈঠকত এই বিশেষ অভিযানৰ দ্বিতীয় পৰ্যায় সূচাৰুৰূপে সম্পন্ন কৰাৰ বিষয়ে আলোচনা হয়। বৈঠকত এই অভিযানত নীতি নিৰ্দেশন সম্পর্কেও বিশদভাৱে আলোচনা কৰা হয়।