প্রধানমন্ত্ৰী নৰেন্দ্ৰ মোডীয়ে কাইলৈ উত্তৰপ্ৰদেশৰ অযোধ্যাৰ ৰামজনমভূমি মন্দিৰ পৰিদৰ্শন কৰিব। তেওঁ মহর্ষি বশিষ্ঠ, মহর্ষি বিশ্বামিত্র, মহর্ষি অগ্যস্ত, মহর্ষি বাল্মিকী, দেৱী অহল্যা, নিষধৰাজ গুহা আৰু মাতা শবৰীৰ মন্দিৰ থকা সপ্তমন্দিৰ স্থানো দৰ্শন কৰিব। তাৰ পাছতে প্রধানমন্ত্ৰীয়ে শেষঅৱতাৰ মন্দিৰলৈ যাব।
প্রধানমন্ত্রীয়ে মাতা অন্নপূর্ণা মন্দিৰ দৰ্শন কৰিব আৰু ইয়াৰ পাছত ৰামদৰবাৰ গৰ্ভগৃহত পূজা অৰ্চনা কৰিব। ইয়াৰ পাছতে তেওঁ ৰামলালা গৰ্ভগৃহ দৰ্শন কৰিব। শ্রীমোডীয়ে অযোধ্যাৰ শ্ৰীৰামজনমভূমি মন্দিৰৰ চূড়াত গেৰুৱা পতাকা উত্তোলন কৰিব। তাত তেওঁ এই ঐতিহাসিক মুহূৰ্তৰ লগত সংগতি ৰাখি আয়োজন কৰা এখন সভাত অংশগ্ৰহণ কৰিব।
ৰামমন্দিৰৰ চূড়াত উত্তোলন কৰিবলগীয়া পতাকাখনৰ উচ্চতা ১০ ফুট আৰু বহলে ২০ফুট। এই পবিত্ৰ পতাকাই ৰামৰাজ্যৰ আদৰ্শ, একতা, ভাতৃত্ববোধ আৰু সাংস্কৃতিক ধাৰাবাহিকতাৰ বাৰ্তা বহন কৰিব।
