উৎকৃষ্ট প্ৰদৰ্শনৰ বাবে আজি নতুন দিল্লীত ১৭ গৰাকী সাংসদক ২০২৫ চনৰ সংসদ ৰত্ন বঁটা প্ৰদান কৰা হৈছে। এই সাংসদসকলৰ ভিতৰত আছে ৰবি কিষণ, বিজেপিৰ দীনেশ শর্মা, কংগ্ৰেছৰ বৰ্ষা গাইকোৱাড, এন চি পি এছ পিৰ সুপ্রিয়া সুলে আৰু শিৱসেনা উই বি টিৰ অৰবিন্দ সাৱণ্ট। এই অনুষ্ঠানত উপস্থিত থাকি কেন্দ্ৰীয় সংসদীয় পৰিক্ৰমা বিভাগৰ মন্ত্রী কিৰেণ ৰিজিজুৱে কয়, যে এই বঁটা সাংসদসকলৰ উৎকৃষ্ট প্ৰদৰ্শনৰ স্বীকৃতি। তেওঁ লগতে বঁটা প্ৰাপ্ত সকলো সাংসদকে শুভেচ্ছা জনায়।