ভাৰতে ভূটানৰ থিম্ফুত অনুষ্ঠিত ছাফ-১৭ বছৰ অনুৰ্ধ ফুটবল প্রতিযোগিতাৰ ফাইনেলত প্ৰৱেশ কৰিছে। ভাৰতে তীব্ৰ প্ৰতিদ্বন্দ্বিতামূলক ছেমিফাইনেল খেলখনত নেপালক ৪-২ গ’লত পৰাস্ত কৰে। ভাৰতৰ হৈ বিশাল য়াদৱে দুটা আৰু ঋষি সিং আৰু হেমনেই চুং লুংকিমে এটাকৈ গ’ল কৰে। পাকিস্তান আৰু বাংলাদেশৰ মাজত হ’বলগীয়া দ্বিতীয়খন ছেমিফাইনেলৰ বিজয়ী দলটোৰ বিৰুদ্ধে ভাৰতে ৩০ ছেপ্তেম্বৰত প্ৰতিযোগিতাৰ ফাইনেল খেলখনত অৱতীৰ্ণ হ’ব। উল্লেখযোগ্য যে, ছাফ ১৭ বছৰ অনুৰ্ধৰ ফুটবল প্রতিযোগিতাখনত ভাৰতে পূৰ্বে ৫ বাৰকৈ বিজয়ীৰ খিতাপ দখল কৰিছে।