বিজ্ঞান আৰু প্ৰযুক্তি মন্ত্ৰী জীতেন্দ্ৰ সিঙে আজি দেশজুৰি বৈজ্ঞানিক, শিক্ষাবিদ, গৱেষক, উদ্ভাৱক তথা প্ৰতিষ্ঠানসমূহলৈ দীৰ্ঘ অপেক্ষাৰ অন্তত সকাহ প্ৰদান কৰি গৱেষণা আৰু উদ্ভাৱনৰ সূচলতা ত্বৰান্বিত কৰাৰ উদ্দেশ্যে এটা বিশেষ নীতিৰ সংস্কাৰৰ বিষয়ে ঘোষণা কৰিছে। ড০ সিঙে আজি নতুন দিল্লীত কয় যে এই পদক্ষেপৰ জৰিয়তে দেশৰ বিজ্ঞান খণ্ডৰ কৰ্ণধাৰসকলৰ ওপৰত থকা বিশ্বাস প্ৰতিফলিত হৈছে। মোদী চৰকাৰে তেওঁলোকক স্পষ্টভাৱে এই বিশ্বাসৰ বাৰ্তা দিয়াৰ লগতে তেওঁলোকৰ প্ৰতি থকা সদভাৱ আৰু প্ৰতিশ্ৰুতিবদ্ধতা প্রতিফলিত কৰিছে।