গাজাৰ পুনৰ নিৰ্মাণৰ বাবে আৰবে আগবঢ়োৱা পৰিকল্পনাৰ প্ৰতি ফ্রান্স, জার্মানী, ইটালী আৰু ব্ৰিটেইনে সমর্থন জনাইছে। ৫৩ বিলিয়ন মার্কিন ডলাৰৰ এই পৰিকল্পলাৰ জৰিয়তে গাজাত পেলেষ্টাইন নাগৰিকসকলক স্থানান্তৰ নকৰাকৈ পুনৰ নিৰ্মাণৰ লক্ষ্য নিৰ্ধাৰণ কৰা হৈছে। চাৰিওখন দেশৰ বিদেশ মন্ত্ৰীসকলে কালি জাৰি কৰা এটা যুটীয়া বিবৃতিত এই সিদ্ধান্ত গাজাৰ পুনৰ নিৰ্মাণৰ বাবে বাস্তৱ সন্মত পথ বুলি অভিহিত কৰে। এই সিদ্ধান্তৰ ৰূপায়ণে জীৱন-ধাৰণৰ মান আৰু বহনক্ষম উন্নয়নৰ প্ৰতিশ্ৰুতি প্ৰদান কৰিব বুলি তেওঁলোকে প্ৰকাশ কৰে।