বিধানসভাৰ অধ্যক্ষ বিশ্বজিৎ দৈমাৰীয়ে আজি কোকৰাঝাৰ চহৰৰ ৰবীন্দ্ৰ নগৰত ভাৰতীয় জন সংঘৰ প্ৰতিষ্ঠাপক তথা শিক্ষাবিদ, ৰাজনীতিক, সমাজকর্মী ড০ শ্যামাপ্রসাদ মুখাৰ্জীৰ প্ৰতিমূৰ্তি আৰু ছহিদ বেদীৰ ভূমিপূজন কৰে।
মুখ্যমন্ত্ৰীৰ ১০ লাখ টকাৰ আৰ্থিক অনুদানেৰে এই ছহিদ বেদী আৰু প্ৰতিমূৰ্তি কৰা হ’ব। ইয়াৰ বাবে শ্ৰী দৈমাৰীয়েও নিজাববীয়াকৈ ১ লাখ টকাৰ আর্থিক অনুদান আগবঢ়ায়।
এই কাৰ্যসূচী বি টি চিৰ কাৰ্যবাহী সদস্য অৰূপ কুমাৰ দে, ৰাষ্ট্ৰীয় স্বয়ং সেৱক সংঘৰ উত্তৰ অসমৰ বৌদ্ধিক প্ৰমুখ ৰথীন্দ্ৰ সিনহা, বিজেপিৰ সভানেত্ৰী কবিতা বসুমতাৰীকে ধৰি কেইবাগৰাকী ব্যক্তি উপস্থিত থাকে।
