কেন্দ্রীয় গ্রামোন্নয়ন মন্ত্রী শিৱৰাজ সিং চৌহানে কাইলৈ নতুন দিল্লীত “সৰস অজীৱিকা খাদ্য মহোৎসৱ ২০২৫” উদ্বোধন কৰিব। গ্রামোন্নয়ন মন্ত্রালয়ে জনোৱা অনুসৰি সমগ্ৰ দেশৰ ২৫ খন ৰাজ্যৰ প্ৰায় ৩০০ গৰাকী লাখপতি দিদি আৰু আত্মসহায়ক গোটৰ মহিলাই এই মহোৎসৱত অংশগ্ৰহণ কৰিব। ইয়াত মুঠ ৬২ খন বিপনীত বিভিন্ন ধৰণৰ খাদ্য উপলদ্ধ হ’ব বুলিও মন্ত্রালয়ৰ পৰা প্ৰকাশ কৰিছে। অসম, অৰুণাচল প্ৰদেশ, হাৰিয়ানা, মহাৰাষ্ট্ৰ, কেৰালা, উত্তৰ প্ৰদেশ, উত্তৰাখণ্ড, গোৱা, গুজৰাটকে ধৰি ভিন ভিন ৰাজ্যসমূহে এই খাদ্য উৎসৱত অংশগ্ৰহণ কৰিব। দিল্লী আৰু কাষৰীয়া অঞ্চলৰ পৰা অহা দর্শকে ৫০০ ৰো অধিক বিভিন্ন খাদ্যৰ সোৱাদ লোৱাৰ উপৰি বৈচিত্ৰপূৰ্ণ সংস্কৃতিৰ আৰ্হিস্বৰূপ বস্ত্ৰও দর্শন কৰিব পাৰিব। এই খাদ্য মহোৎসৱ পুৱা ১১:৩০ বজাৰ পৰা নিশা ৯:৩০ বজালৈ দৰ্শনাৰ্থীৰ বাবে মুকলি থাকিব আৰু অহা ৯ ডিচেম্বৰলৈকে চলিব।