জনজাতি পৰিক্ৰমা মন্ত্ৰী জুৱেল অ’ৰামে আজি নতুন দিল্লীত উপ-ৰাষ্ট্ৰপতি চি পি ৰাধাকৃষ্ণণক সাক্ষাৎ কৰে। সামাজিক মাধ্যমৰ এটা বাৰ্তাত উপ-ৰাষ্ট্ৰপতিগৰাকীয়ে কয় যে এই সাক্ষাতৰ সময়ত মন্ত্ৰীগৰাকীয়ে তেওঁক জনজাতি লোকসকলৰ কল্যাণৰ বাবে মন্ত্ৰালয়ে গ্রহণ কৰা উদ্যমসমূহৰ বিষয়ে তেওঁক অৱগত কৰে। শ্ৰীৰাধাকৃষ্ণণে চৰকাৰৰ কল্যাণকামী আঁচনিসমূহৰ লাভালাভ জনজাতি সম্প্ৰদায়ৰ সকলো শ্ৰেণীৰ বাবে সুনিশ্চিত কৰা সন্দৰ্ভত আলোকপাত কৰে। জনজাতি সম্প্ৰদায়ৰ কল্যাণ সুনিশ্চিত হ’লেহে বিকশিত ভাৰতৰ লক্ষ্যত উপনীত হ’ব পৰা যাব বুলি উপ-ৰাষ্ট্ৰপতিগৰাকীয়ে দোহাৰে৷

জনজাতি ছাত্ৰ-ছাত্ৰীসকলৰ বাবে গুণগত মানৰ উচ্চ শিক্ষাৰ সুবিধা সুনিশ্চিত কৰাৰ প্ৰয়োজনীয়তা সন্দৰ্ভত আলোকপাত কৰি শ্ৰীৰাধাকৃষ্ণণে বিগত ১১ বছৰত এই মন্ত্ৰালয়ৰ বাবে বাজেটত আৱণ্টিত ধন তিনি গুণ বৃদ্ধি কৰাৰ বিষয়টোৰ শলাগ লয়।