গুৱাহাটী বিশ্ববিদ্যালয়ৰ এন এছ এছ কোষে লৌহ মানৰ চৰ্দাৰ বল্লৱভাই পেটেলৰ জয়ন্তী উপলক্ষে আজি আজাৰাৰ ঠাকুৰনি গাঁৱত গছপুলি ৰোপণৰ কাৰ্যসূচী ৰূপায়ণ কৰে। বিশ্ববিদ্যালয়খনৰ ছাত্ৰ কল্যাণ সঞ্চালক ড০ ৰঞ্জন কুমাৰ কাকতিয়ে এটি নাহৰৰ পুলি ৰোপণেৰে এই কাৰ্যসূচী উদ্বোধন কৰি ছাত্র-ছাত্রী তথা গাঁৱৰ ৰাইজক গোলকীয় উত্তাপ বৃদ্ধি ৰোধৰ ক্ষেত্ৰত গছ-গছনিৰ অৱদান বিষয়ক ভাষণ আগবঢ়ায়। অনুষ্ঠানৰ লগত সংগতি ৰাখি গুৱাহাটী বিশ্ববিদ্যালয়ৰ চৌহদতো শতাধিক গছপুলি ৰোপণ কৰা হয়।