অসম বেডমিণ্টন সন্থাই অহা ২০ৰ পৰা ৩০ আগষ্টলৈ ৰাজ্যৰ ৪ খন জিলাত অস্মিতা চিটী বেডমিণ্টন লীগৰ আয়োজন কৰিছে। সন্থাৰ সম্পাদক ওমৰ ৰছিদে আজি সংবাদ মাধ্যমক এই বিষয়ে অৱগত কৰে। প্রতিযোগিতাৰ খেলসমূহ গুৱাহাটী, শিৱসাগৰ, যোৰহাট আৰু ডিব্ৰুগড়ত খেলোৱা হ’ব। উল্লেখযোগ্য যে কেন্দ্রীয় চৰকাৰৰ ক্ৰীড়া মন্ত্ৰ্যালয়ে দেশত মহিলা খেলুৱৈসকলৰ প্ৰতিভা বিকাশ আৰু উত্তৰণৰ লক্ষ্যৰে অস্মিতা আঁচনি গ্রহণ কৰি বিভিন্ন ক্রীড়া ক্ষেত্ৰৰ প্ৰতিযোগিতাৰ আয়োজন কৰি আহিছে। এইবাৰৰ প্ৰতিযোগিতাত ছোৱালীৰ ১৫, ১৭ আৰু ১৯ বছৰ অনুৰ্ধৰ একক শাখাৰ খেলসমূহ অনুষ্ঠিত হ’ব। প্ৰতিযোগিতাৰ সূচী অনুসৰি ২০ৰ পৰা ২২ আগষ্টলৈ গুৱাহাটীত, ২৪ৰ পৰা ২৬ আগষ্টলৈ শিৱসাগৰত, ২৬ৰ পৰা ২৮ আগষ্টলৈ যোৰহাটত আৰু ২৮ৰ পৰা ৩০ আগষ্টলৈ ডিব্ৰুগড়ত অস্মিতা চিটী বেডমিণ্টন লীগৰ খেলসমূহ খেলোৱা হ’ব।